Xitay : iraqta bayqalghan xitay qoralliri heqqide inkas bildürdi


2007.07.26

Xitay tashqi ishlar ministirliqi peyshenbe küni , amérika armiyisining xitayda yasalghan qorallarning iran etkeschilik yolliri bilen iraqtiki qarshiliq körsetküchilerning qollirigha yetküziliwatqanliqi toghrisidiki bayanigha qarita inkas bildürdi.

Xitay tashqi ishlar ministirliqining bayanatchisi lyu jenchaw": bir qisim döletler junggu arqiliq bashqa döletler bilen normal herbiy hemkarliq munasiwitini ornitip kelmekte, qoral ‏- yaraq etkeschilik ishliri, rayonning bixeterliki we muqimliqi bilen biwaste munasiwetlik, bundaq wastiler bir nomussizliq , buninggha junggu terep qet'iy naraziliq bildüridu" dédi.

U sözide yene, xitay hökümitining herbiy qorallarni qanuniy hakimiyiti bolghan döletlerge ékisport qiliwatqanliqini, ezeldin dölet hakimiyiti bolmighan teshkilat we shexslerni qoral bilen teminlimigenlikini tekitlidi. Emma lyu jenchaw , xitayda yasalghan qorallarning iraqta bayqalghanliq mesilisini biwaste tilgha almidi .

4 Kün ilgiri, amérikining iraqta turushluq köp döletler qisimining bayanatchisi, amérika eskerlirining iraq chégrisi ichide irandin iraqqa etkes yollar arqiliq kirgüzülgen xitay qorallirini bayqighanliqini, bu qorallarning iraqtiki amérikigha qarshi teshkilatlargha yetküzülgenlikini bildürgen idi. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.