Iraqtiki weziyet yenila jiddi halette turmaqta


2007.08.23
Share on WhatsApp
Share on WhatsApp

Iraq saqchi da'iriliri, suniy erebler bilen el qa'ide küchliri otturisida baghdatning sherqiy shimalidiki bakkuba shehiride toqunush yüz bérip, az dégende 23 ademning qaza qilghanliqini bildürdi.

Peyshenbe küni yüz bergen partlashta el qa'ide küchliri ikki kentke hujum qilip, 3 neper yashni we bir meschitning imamini öltürgen. Bakkuba ahalisi el qa'ide küchlirige qayturma zerbe bérip, bir qisim ademlirini öltürgendin kéyin, el qa'ide ezaliri 5 ayalni görüge éliwalghan.

Amérika armiyisining bildürüshiche, birleshme qoshun peyshenbe küni bakkuba we uning etrapidiki bir qanche sheherlerde herbiy herket qozghap, el qa'ide bilen munasiwiti bar térrorluq gumandarini öltürgen we 10 kishini qolgha alghan. Charshenbe küni saqchi idarisida yüz bergen özini öltürüwélish xaraktérlik hujumda 24 adem ölgen, 80 adem yarilan'ghan.

Bu arida bush hökümitining pat arida iraq heqqide doklat élan qilidighanliqi bildürülmekte. Perezlerge qarighanda, doklatta iraq bash ministiri malikining iraqta yüz bériwatqan mezhepler otturisidiki ixtilaplarni bir terep qilishigha guman bilen qaraydighanliqi, hazirgha qeder iraqning siyasiy weziyitide héchqandaq bir özgirishning meydan'gha kelmigenliki shunga iraqtiki birleshme qoshunni chékindürüshke bolmaydighanliqi tekitlinidiken.(Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.