Ирақ вә афғанистандики дүшмән күчлириниң һуҗуми күчәймәктә


2007-02-18
Share

Бағдаттики шиә мусулманлири олтурақлашқан бир районда, шәнбә күни йүз бәргән машина партилтиш һуҗумида 60 адәм қаза қилған, 130 адәм яриланған.

Мәзкур партлаш вәқәси, өткән чаршәнбә күни, америка вә ирақ армийиси бирликтә қаршилиқ көрсәткүәчиләргә тазилаш һәрикитидин кейин бағдатта йүз бәргән, әң көп адәм қаза қилған бир қетимлиқ һуҗум һесаблиниду.

Гәрчә ирақ армийиси, чаршәнбә күнидин етибарән елип берилған бирләшмә тазилаш һәрикитидин кейин, бағдаттики җинайи һәрикәтләрниң 80 % азайғанлиқини билдүргән болсиму, әмма америкиниң али дәриҗилик һәрбий қоманданлири йәнила, қаршилиқ көрсәткүчи күчләрниң бир муддәт йошурунуп, қайта һуҗум қозғаш пилани түзиватқанлиқини пәрәз қилишмақта.

Бу арида афғанистандики талибан һуҗумлириниңму күчийиватқанлиқи билдүрүлмәктә. Америка армийисиниң ашкарилишичә, йәкшәнбә күни афғанистанниң җәнубида бир һәрбий тик учар айрупиланиниң һаләкәткә учрап, америка әскәрлиридин 8 нәпири һаятидин айрилған 22 си яриланған.

Америка һәрбий даирилири, бу вәқәни дүшмән билән алақиси йоқ дәп, айрупилан һадисигә учраштин бурун учқучиниң, айропиланда мәсилә чиқти дегәнликини тәкитлиди.

Бирақ талибан күчлири, айропиланниң өзлири тәрипидин етип чүшүрүлгәнликини билдүрмәктә. Нөвәттә, афғанистандики талибан күчлириниң һуҗумлириму күчәймәктә. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.