Ирақта зораванлиқ күчәйгән бир пәйттә кондилиза райис бағдатқа йетип барди

Америка ташқи ишлар министири кондилиза райис, пәйшәнбә күни туюқсиз бағдатқа йетип кәлди.

Америка бирләшмә агентлиқиниң хәвиригә қариғанда, кондализа райис, бу қетим ираққа қаратқан зияритини алдин хәвәрсиз елип барған болуп, у мәзкүр зиярити җәрянида ирақ вә америка хадимлири билән, ирақниң нөвәттики вәзийити үстидә җиддий сөһбәт елип баридикән.

Райисниң зиярити, ирақтики зораванлиқ һуҗумлири юқири пәллигә көтүрүлгән бир пәйткә тоғра кәлди. 4Күндин буян ирақта 20 нәччә америка әскири қаза қилған, америка һәрбий қисимлириниң бир баянатчси, өткән бир һәптидә бағдатта йүз бәргән партлаш һуҗумлири әң юқири пәллигә йәткәнликини билдүрди.

Бир қанчә күн илгири америка һәрбий қисимлири, анбар өлкисидә бир қисим қораллиқ қаршилиқ көрсәткүчиләрни өлтүргән иди. Америка вә ирақ һөкүмәт хадимлири нөвәттә, өлтүрүлгән дүшмән күчлири арисида әл қаидә тәшкилатиниң рәһбири абу һамза әл - муһаҗирниң бар , йоқлиқини тәкшүрмәктә.