Iraqta zorawanliq kücheygen bir peytte kondiliza rayis baghdatqa yétip bardi

Amérika tashqi ishlar ministiri kondiliza rayis, peyshenbe küni tuyuqsiz baghdatqa yétip keldi.

Amérika birleshme agéntliqining xewirige qarighanda, kondaliza rayis, bu qétim iraqqa qaratqan ziyaritini aldin xewersiz élip barghan bolup, u mezkür ziyariti jeryanida iraq we amérika xadimliri bilen, iraqning nöwettiki weziyiti üstide jiddiy söhbet élip baridiken.

Rayisning ziyariti, iraqtiki zorawanliq hujumliri yuqiri pellige kötürülgen bir peytke toghra keldi. 4Kündin buyan iraqta 20 nechche amérika eskiri qaza qilghan, amérika herbiy qisimlirining bir bayanatchsi, ötken bir heptide baghdatta yüz bergen partlash hujumliri eng yuqiri pellige yetkenlikini bildürdi.

Bir qanche kün ilgiri amérika herbiy qisimliri, anbar ölkiside bir qisim qoralliq qarshiliq körsetküchilerni öltürgen idi. Amérika we iraq hökümet xadimliri nöwette, öltürülgen düshmen küchliri arisida el qa'ide teshkilatining rehbiri abu hamza el - muhajirning bar , yoqliqini tekshürmekte.