Ирақта елип берилған сайламниң, дәсләпки беләт санаш хизмәтлири аяқлашти


2005-02-01
Share

Ирақ сайлам хадимлириниң билдүрүшичә, йәкшәнбә күни өткүзүлгән сайламда ташланған беләтләрни санаш хизмити аяқлашқан болуп, сәйшәнбә күни сайлам нәтиҗиси бағдатқа йәткүзүлмәктә икән.

Сайлам хадимлириниң ейтишичә, сайлам комитети сайлам нәтиҗисини пат арида елан қилишни пиланлиған болсиму, бирақ ахирқи нәтиҗә билән сайлинип чиққан 275 нәпәр парламент әзалириниң тизимликини елан қилиш үчүн, аз дигәндә 10 күн вақит кетидикән.

Дүшәнбә күни, ирақ вақитлиқ һөкүмитидики министир алевей: " ирақта нәччә он йиллардин бери тунҗи қетим елип берилған бу сайлам, ирақтики зораван күчләргә қаттиқ зәрбә бәрди" дәп көрсәтти.

Бирақ, террорчи заркавей йетәкчилик қиливатқан ирақтики қаршилиқ көрсәткүчи күчләр ентернәт тор бетидә баянат елан қилип, өзлириниң адаққичә күрәш елип баридиғанлиқини билдүрди. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт