Iraq parlamént saylimining bélet tashlash ishliri axirlashti


2005-12-15
Share

Iraq parlamént saylimining bélet tashlash ishliri peyshenbe küni axirlashti. Munasiwetlik saylam xadimlirining perez qilishiche, bu qétimliq saylam asasiy jehettin utuqluq élip bérilghan bolup, bélet tashlashqa kelgen kishilermu köp bolghan hemde zorawanliq heriketliri yüz bermigen.

Saylamning ongushluq élip bérilishi hemde amérika, iraq eskiri we saqchilirining bixeterlikni qoghdash jehettiki yükini yéniklitish üchün iraq da'iriliri iraqtiki barliq kochilarda mashina méngishni chekligen.

Bu qétimliq saylam arqiliq iraq parlaméntidiki 275 neper parlamént ezasi saylinidu. Bu saylamgha nurghun sunniy musulmanlirimu qatnashqan bolup, bu ularning bu yildin buyan tunji qétim chong kölemde saylamgha qatnishishi bolup hésablinidu. Sünniy musulmanliri bu yil 1‏-ayning 30‏- künidiki saylamgha qarshiliq körsitip qatnishishqa unimighanliqi üchün, ular nöwettiki hökümette héchqandaq orun'gha érishelmigen idi.

Bu qétimliq parlamént saylimigha bélet tashlashqa kelgenler nahayiti köp bolghachqa, saylam xadimliri shu küni bélet tashlash waqtini bir sa'et keynige sürgen. Saylam netijisi yene bir nechche heptidin kéyin élan qilinishi mumkin. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet