Iraq saylimida bélet tashlashqa qatnashqan puqralar70% din ashti


2005-12-16
Share

Iraq saylam da'irilirining tekitlishiche, peyshenbe küni élip bérilghan iraq parlamént saylimida bélet tashlashqa qatnashqan puqralar 70% din ashqan bolushi mumkin. Iraq saylam komitétining bayanatchisi farid ayar, deslepki statistikilar 10 milyondin 11 milyon'ghiche iraqliqning bélet tashlighanliqini körsetmekte, deydu.

Nöwette bélet sanash dawamlashmaqta. Saylam netijisining élan qilinishigha az dégende ikki hepte kétishi mumkin. Xelq'ara közetküchi teshkilatlar, saylamning xelq'ara ölchemlerge uyghun élip bérilghanliqini élan qildi. Biraq saylam tertipi we saylamdiki bezi téxnikiliq mesililer közetküchilerning diqqitini qozghighan.

Bu qétimqi saylam iraqta bir yil ichide élip bérilghan 3 - qétimliq saylam bolup hésablinidu.

Iraq saylam komitétining bayanatchisi, iraqqa oxshash bir yil ichide 3 - qétim saylam élip bérish, démokratik döletlerdimu zor mesile hésablinidu, dep körsetti. Aldinqi ikki qétimliq saylam iraqtiki sünniylerning bayqut qilishigha uchrighan. Emma sünniyler bu qétimqi saylamda bélet tashlidi. Bu qétimqi saylam iraq parlaméntining 275 neper ezasini saylap chiqidu.

Iraq milletchi qarshiliq körsitish küchliri puqralarni bélet tashlashqa ündep, iraq hökümitini shi'eler we kürdlerning monopol qiliwélishidin saqlinishqa chaqirghan. Amérika da'iriliri saylamni iraq démokratiye musapisidiki zor ghelibe, dep qarimaqta. Prézidént bush saylamni " tarixiy weqe" , dep teriplidi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet