Amérika hökümiti bir qisim urushchi eskerlirini iraqtin chékindürüshni qarar qildi


2007.09.13
Share on WhatsApp
Share on WhatsApp

Peyshenbe küni, amérika hökümitining aliy derijilik bir xadimi, prézidénti jorj bushning 2008‏- yili iyul éyighiche iraqtin 5 amérika herbiy birigadisini chkindüridighanliqini qarar qilghanliqini bildürdi. Hazir iraqta 20 amérika herbiy birigadisi herbiy heriket élip barmaqta.

Xewerlerge qarighanda, prézidénti bush, amérikining iraqtiki herbiy qisimlirining bash qomandani général déwéd pétriyasning iraqtin bezi amérika urushchi qisimlirini chékindürüsh teklipini qobul qilghan. Général pétriyas ötken hepte amérika dölet mejliside mushu ay ichidila iraqtin 2200 neper amérika urushchi eskerlirini chékindürüshni we yil axirida yene bir qisim eskerlerni chékindürüsh mumkinliqini tekitligen. U shundaqla 2008‏- yili yaz aylirighiche iraqtiki amérika urushchi birigadisining sanini 20 din 15 ge chürüsh teklipini otturigha qoyghan idi.

Iraqtiki mezhepler ara toqunushlarni toxtitish üchün, prézidént bush yanwar éyida, iraqqa 30 ming qoshumche amérika herbiy qisim eskerlirini ewetishni qarar qilghan.

Général pétriyas düshenbe küni amérika dölet mejlisi awam palatasi we seyshenbe küni kéngesh palatasida ötküzülgen guwahliqtin ötüsh yéghinlirida, iraqqa qoshumche amérika herbiy qisimliri ewetilishining, iraqtiki mezhepler ara toqunushlarning aziyishida muhim rol oynighanliqini tekitligen.

Lékin xewerlerge qarighanda, bügün amérikining iraqtiki eng muhim sünniy ittipaqdishi hésablan'ghan sheyx abdulsattarning bir süyiqest netijiside öltürülgenliki, amérikining sunniylerni öz sépige tartish pa'aliyitige qattiq bir zerbe béridiken shundaqla bu süyiqest weqesi iraqta weziyetning hélimu murekkep we jiddiy ikenlikini körsitidiken. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.