Dunyaning her qaysi jaylirida iraq urushigha qarshi namayishlar ötküzüldi


2005.03.20
Share on WhatsApp
Share on WhatsApp

Amérika prézidénti jorj bush amérika bashchiliqidiki birleshme armiye iraqqa hujum qilghanliqining ikki yilliq xatirisi harpisida iraq urushini qoghdap, " iraq urushi amérikini téximu bixeter qildi" dep körsetti.

U shenbe küni bergen bayanatida, "amérikidiki erkinlikning mewjudliqi barghansiri bashqa jaylardiki erkinlik bilen baghlinishliq bolup qaldi. Sadam hakimiyitining aghdurilishi, iraqta démokratiye we erkinlikning bix urushigha yol achti. Amérikining herbiy herikiti sewebidin iraq hökümiti dunyagha we iraq xelqige tehdid élip kelmeydighan boldi" dédi. Jorj bush yene, amérika eskerlirining körsetken töhpilirige medhiye oqudi.

Iraq urushi bashlan'ghandin buyan taki hazirghiche 1500 din artuq amérika eskiri ölgen idi.

Bu arida, dunyaning her qaysi jaylirida iraq urushi bashlan'ghanliqining ikki yilliqi munasiwiti bilen keng kölemlik namayish élip bérildi. En'gliye b b s radi'o- téléwiziyisining xewirige qarighanda, nechche on minglighan kishiler londonda namayish ötküzüp, amérika we en'giliye bashchiliqidiki iraq urushigha naraziliq bildürdi. Yaponiye, awstraliye, türkiye qatarliq döletlerdimu minglighan, on minglighan kishiler iraq urushigha qarshi namayish ötküzüp, döletlerni iraqtin qoshun chikindürüshni telep qildi. Amérikining nyo-york, san fransisko, chikago qatarliq sheherliridimu urushqa qarshi namayishlar ötküzüldi. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.