Ню-йоркниң қатнаш орунлиридики чоң иш ташлаш йәнә давам қилмақта


2005.12.21

Ню-йорк шәһириниң қатнаш орунлиридики чоң иш ташлаш чаршәнбә күни йәнә давам қилди. Шу сәвәбтин барлиқ йәр асти пойез вә қатнаш машинилири тохтап кәткәчкә, ню-йорктики қатнаш вастилириға тайинидиған нәччә милйон киши пиядә яки велсипиттә ишқа беришқа мәҗбур болди.

Ню-йорк шитатиниң қанунида аммивий орунларниң иш ташлиши чәкләнгән. Һазир нурғун қанун саһәсидики кишиләр бу қетимлиқ иш ташлаш вәқәси үчүн мунасивәтлик ишчилар оюшмисини җазалашни тәләп қилди. Шундақла ню-йорктики бир сотчи ишчилар оюшмисиға 1 милйон доллар җәриманә қойди. Лекин һазирғичә ишчиларниң хизмәткә чүшидиған шәписи көрүнмиди.

Бу қетимлиқ иш ташлаш, қатнаш ишчилар оюшмиси билән қатнаш идарилири өткүзгән ишчиларниң тәминати тоғрисидики сөһбәт нәтиҗә һасил қилалмиғанлиқидин шәкилләнгән. Ню-йорк шәһәр башлиқи иш ташлаш вәқәсини әйиблиди һәмдә буниң күнигә аз дегәндә 400 милйон америка доллири зиян салидиғанлиқини агаһландурди. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.