Nyu-yorkning qatnash orunliridiki chong ish tashlash yene dawam qilmaqta


2005.12.21

Nyu-york shehirining qatnash orunliridiki chong ish tashlash charshenbe küni yene dawam qildi. Shu sewebtin barliq yer asti poyéz we qatnash mashiniliri toxtap ketkechke, nyu-yorktiki qatnash wastilirigha tayinidighan nechche milyon kishi piyade yaki wélsipitte ishqa bérishqa mejbur boldi.

Nyu-york shitatining qanunida ammiwiy orunlarning ish tashlishi cheklen'gen. Hazir nurghun qanun sahesidiki kishiler bu qétimliq ish tashlash weqesi üchün munasiwetlik ishchilar oyushmisini jazalashni telep qildi. Shundaqla nyu-yorktiki bir sotchi ishchilar oyushmisigha 1 milyon dollar jerimane qoydi. Lékin hazirghiche ishchilarning xizmetke chüshidighan shepisi körünmidi.

Bu qétimliq ish tashlash, qatnash ishchilar oyushmisi bilen qatnash idariliri ötküzgen ishchilarning teminati toghrisidiki söhbet netije hasil qilalmighanliqidin shekillen'gen. Nyu-york sheher bashliqi ish tashlash weqesini eyiblidi hemde buning künige az dégende 400 milyon amérika dolliri ziyan salidighanliqini agahlandurdi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.