Sabiq xitay diplomati awstraliyide xitay ishpiyonluq tori barliqini bildürdi


2005.06.06
Share on WhatsApp
Share on WhatsApp

Xitaydin yüz örüp, awstraliye hökümitidin siyasiy panahliq tiligen xitay diplomati chin yunglin awstraliyide xitayning 1000 dek kishidin teshkil tapqan ishpiyonluq tori barliqini bildürdi.

U buni, shenbe küni sédniy shehiride ötküzülgen 4 - iyun weqesining 16 yilliqini xatirilesh pa'aliyide ashkarilighan. 37 Yashliq chin yunglin eslide xitayning sédniydiki konsulxanisining siyasiy ishlargha mes'ul konsuli bolup, u xizmet mudditi toshushtin bir hepte burun xizmitidin ayrilip, awstraliye hökümitidin siyasiy panahliq tiligen.

Chin yunglin özining siyasiy panahliq tilishidiki sewebni xitay hökümitining siyasiy öktichilerni basturush qilmishigha chidap turalmighanliqtin dep bildürgen. U yene, özining awistraliyidiki öktichilerning pa'aliyetlirini nazaret qilishqa mes'ul qilin'ghanliqini ashkarilighan.

Emma xitay hökümiti, uni awistiraliyide qélish üchün yalghanchiliq qilmaqta dep eyiblimekte.

Melumatlargha qarighanda, awstraliye hökümiti uning siyasiy panahliq telipini ret qilghan. Emma u qoghdash xaraktérlik wizigha érisheleydiken.

Chin yülingning siyasiy panahliq tiligen waqti del, awstraliye bilen xitay soda alaqisini kücheytip, erkin soda kélishimi tüzüsh üchün söhbet ötküziwatqan bir peytke toghra kelgechke, uning iltimasi awstraliye hökümitini ongaysiz haletke chüshürüp qoyghan. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.