ئامېرىكىدىكى تۈنجى مەسچىتنىڭ ئىزناسىغا يېڭى مەسچىت سېلىندى


2005.11.02

‎ ئامېرىكا ئاۋازى رادىئوسىنىڭ خەۋەر قىلىشىچە، ئۆتكەن ئەسىرنىڭ 30 - يىللىرى ئامېرىكىنىڭ ‎شىمالىي داكوتا شىتاتىغا كۆچۈپ كەلگەن لىۋانلىق كۆچمەنلەر تۈنجى بولۇپ بۇ يەرگە ‎مەسچىت سالغان. ‎

‎ ئەمما بۇ مەسچىت 70 - يىللاردا چېقىۋېتىلگەن. لىۋانلىق كۆچمەنلەرنىڭ ئەۋلادلىرى بۇ يىل ‎يازدا كونا مەسچىتنى خاتىرىلەش ئۈچۈن ئورنىغا يېڭى مەسچىت قوپۇرغان. ‎

‎ خەۋەرگە قارىغاندا، نۆۋەتتە ئىسلام دىنى ئامېرىكىدا ئەڭ تېز تارقىلىۋاتقان دىن بولۇپ، ‎پۈتۈن ئامېرىكىدا جەمئىي 1200 دىن ئارتۇق مەسچىتلار بار . كۆپ قىسىم مۇسۇلمانلار نيويورك ، ‎كالىفورنىيە قاتارلىق شىتاتلاردىكى چوڭ شەھەرلەرگە ئولتۇراقلاشقان . ‎

‎ 11 - سېنتەبىر ۋەقەسى، ئامېرىكىدا دەسلەپتە مۇسۇلمانلارغا قارشى بىر كەيپىياتنى پەيدا ‎قىلغان بولسىمۇ، لېكىن ئامېرىكا ھۆكۈمىتى تېرورچىلىق بىلەن ئىسلام دىنىنىڭ ھېچقانداق ‎مۇناسىۋىتى يوقلىقىنى قاتتىق تەكىتلەپ، مۇسۇلمانلارغا قارشى ھەرىكەتلەرنىڭ ئالدىنى ئېلىشقا ‎تىرىشتى. پرېزىدېنت بۇش 11 - سېنتەبىر ۋەقەسىدىن كېيىن ۋاشىنگتوندىكى ئەڭ چوڭ ‎مەسچىتكە بېرىپ نۇتۇق سۆزلەپ، ئىسلام دىنىنىڭ تىنچلىقپەرۋەر دىن ئىكەنلىكىنى بىلدۈرگەن ‎ھەمدە ئامېرىكا خەلقىنى ئىسلام دىنىنى توغرا چۈشۈنۈشكە چاقىرغان ئىدى. (ئارزۇ)‎

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.