Америкидики түнҗи мәсчитниң изнасиға йеңи мәсчит селинди

‎ Америка авази радиосиниң хәвәр қилишичә, өткән әсирниң 30 - йиллири америкиниң ‎шималий дакота шитатиға көчүп кәлгән ливанлиқ көчмәнләр түнҗи болуп бу йәргә ‎мәсчит салған. ‎

‎ Әмма бу мәсчит 70 - йилларда чеқиветилгән. Ливанлиқ көчмәнләрниң әвладлири бу йил ‎язда кона мәсчитни хатириләш үчүн орниға йеңи мәсчит қопурған. ‎

‎ Хәвәргә қариғанда, нөвәттә ислам дини америкида әң тез тарқиливатқан дин болуп, ‎пүтүн америкида җәмий 1200 дин артуқ мәсчитлар бар . Көп қисим мусулманлар нйойорк , ‎калифорнийә қатарлиқ шитатлардики чоң шәһәрләргә олтурақлашқан . ‎

‎ 11 - Сентәбир вәқәси, америкида дәсләптә мусулманларға қарши бир кәйпиятни пәйда ‎қилған болсиму, лекин америка һөкүмити терорчилиқ билән ислам дининиң һечқандақ ‎мунасивити йоқлиқини қаттиқ тәкитләп, мусулманларға қарши һәрикәтләрниң алдини елишқа ‎тиришти. Президент буш 11 - сентәбир вәқәсидин кейин вашингтондики әң чоң ‎мәсчиткә берип нутуқ сөзләп, ислам дининиң тинчлиқпәрвәр дин икәнликини билдүргән ‎һәмдә америка хәлқини ислам динини тоғра чүшүнүшкә чақирған иди. (Арзу)‎