Amérikidiki tünji meschitning iznasigha yéngi meschit sélindi


2005.11.02
Share on WhatsApp
Share on WhatsApp

‎ Amérika awazi radi'osining xewer qilishiche, ötken esirning 30 - yilliri amérikining ‎shimaliy dakota shitatigha köchüp kelgen liwanliq köchmenler tünji bolup bu yerge ‎meschit salghan. ‎

‎ Emma bu meschit 70 - yillarda chéqiwétilgen. Liwanliq köchmenlerning ewladliri bu yil ‎yazda kona meschitni xatirilesh üchün ornigha yéngi meschit qopurghan. ‎

‎ Xewerge qarighanda, nöwette islam dini amérikida eng téz tarqiliwatqan din bolup, ‎pütün amérikida jem'iy 1200 din artuq meschitlar bar . Köp qisim musulmanlar nyoyork , ‎kaliforniye qatarliq shitatlardiki chong sheherlerge olturaqlashqan . ‎

‎ 11 - Séntebir weqesi, amérikida deslepte musulmanlargha qarshi bir keypiyatni peyda ‎qilghan bolsimu, lékin amérika hökümiti térorchiliq bilen islam dinining héchqandaq ‎munasiwiti yoqliqini qattiq tekitlep, musulmanlargha qarshi heriketlerning aldini élishqa ‎tirishti. Prézidént bush 11 - séntebir weqesidin kéyin washin'gtondiki eng chong ‎meschitke bérip nutuq sözlep, islam dinining tinchliqperwer din ikenlikini bildürgen ‎hemde amérika xelqini islam dinini toghra chüshünüshke chaqirghan idi. (Arzu)‎

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet