Ливандики мусулманлар данийә әлчиханисиниң бинасиға от қойди


2006-02-05
Share

Муһәммәд пәйғәмбәрниң һәҗивий сизма рәсиминиң чиқирилғанлиқиға нарази болған ливандики мусулманлар бу рәсимни тунҗи елан қилған данийә һөкүмитиниң бейруттики әлчихана бинасиға от қойивәтти.

Ливандики мусулманларниң намайиши җүмә күниму елип берилған болуп, ливан һәрбий даирилири яш аққузуш бомбилири вә юқири бесимлиқ сулар арқилиқ , таш етип наразилиқ билдүриватқан нәччә миң намайишчини тарқитишқа урунған иди. Шундақла бейруттики христианлар олтурақлашқан райондиму тоқунуш йүз берип, нәччә киши яриланған.

Буниң билән бир вақитта йәнә, афғанистандиму мусулманлар тинч намайиш өткүзүп, муһәммәд пәйғәмбәрниң образи хунукләштүрүлгән у рәсимгә наразилиқини билдүргән . Шундақла шәнбә күни сүрийидики намайишчиларму данийә вә норвигийә әлчиханилириниң бинасиға от қойған һәмдә шивитсийә әлчиханисиниң бинасиғиму зиян йәткүзгән.

12 Парчә сиясий мәзмундики һәҗивий сизма рәсимләр өткән йили 9‏- айда данийидә дәсләп елан қилинған болуп, йеқинда бу рәсим явропадики бәзи гезитләрдә қайта бесилған. Шундақла бу рәсимдә, муһәммәд пәйғәмбәрниң бешидики сәллисигә бомбиниң сүрити чүшүрүлгән икән. Бу, пәйғәмбәрләрниң һәр қандақ шәкилдики портерит образини чәкләйдиған мусулманларниң күчлүк ғәзипини қозғиған. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт