Liwandiki musulmanlar daniye elchixanisining binasigha ot qoydi

Muhemmed peyghemberning hejiwiy sizma resimining chiqirilghanliqigha narazi bolghan liwandiki musulmanlar bu resimni tunji élan qilghan daniye hökümitining béyruttiki elchixana binasigha ot qoyiwetti.

Liwandiki musulmanlarning namayishi jüme künimu élip bérilghan bolup, liwan herbiy da'iriliri yash aqquzush bombiliri we yuqiri bésimliq sular arqiliq , tash étip naraziliq bildüriwatqan nechche ming namayishchini tarqitishqa urun'ghan idi. Shundaqla béyruttiki xristi'anlar olturaqlashqan rayondimu toqunush yüz bérip, nechche kishi yarilan'ghan.

Buning bilen bir waqitta yene, afghanistandimu musulmanlar tinch namayish ötküzüp, muhemmed peyghemberning obrazi xunukleshtürülgen u resimge naraziliqini bildürgen . Shundaqla shenbe küni süriyidiki namayishchilarmu daniye we norwigiye elchixanilirining binasigha ot qoyghan hemde shiwitsiye elchixanisining binasighimu ziyan yetküzgen.

12 Parche siyasiy mezmundiki hejiwiy sizma resimler ötken yili 9‏- ayda daniyide deslep élan qilin'ghan bolup, yéqinda bu resim yawropadiki bezi gézitlerde qayta bésilghan. Shundaqla bu resimde, muhemmed peyghemberning béshidiki sellisige bombining süriti chüshürülgen iken. Bu, peyghemberlerning her qandaq shekildiki portérit obrazini chekleydighan musulmanlarning küchlük ghezipini qozghighan. (Peride)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar