Muhemmed peyghemberning hejiwi resimi ghezipini qozghighan musulmanlar naraziliq heriketlirini dawam qildi


2006-02-06
Share

Tereplerning özini tutuwélish chaqiriqigha qarimay musulmanlar muhemmed peyghemberning hejiwi resimi bezi yawropa gézitliride élan qilin'ghanliqigha qarshi dawamliq naraziliq bildürdi. Bezi döletlerde naraziliq bildürüsh herikiti zorawanliqqa aylandi.

Afghanistanda namayishchilar bilen saqchilar otturisida toqunush yüz bérip, 5 adem saqchilar teripidin étip öltürüldi. Hindistanda musulman oqughuchilar daniye bayriqini köydürdi. Keshmirde düshenbe küni naraziliq bildürüsh sewbidin soda toxtighan. Téhranda iranliq namayishchilar awistriye elchixanisigha köydürgüch bomba atti. Ötken shenbe we yekshenbe künliri süriye bilen liwanda namayishchilar daniye bilen norwigiyining bu döletlerdiki elchixanilirigha ot qoyuwetken. Norwigiye bilen daniye süriye da'irilirini namayishchilarning elchixanigha hujum qilishini tosimidi, dep eyiblidi. Amérika hökümiti süriye da'irilirining qollishi bolmisa, bu xil ehwalning yüz bermeydighanliqini bildürmekte. Pakistan bolsa 9 yawropa dölitidiki bash elchilirini chaqirtiwaldi.

Daniyide chiqidighan " jillands postén" géziti ötken yili 9 - ayda muhemmed peyghemberning hejwi resimlirini élan qilghandin kéyin, yawropadiki bezi gézitler bu resimlerni qayta basqan. " Jillands postén géziti" musulmanlardin epu sorighan bolsimu, biraq weziyet buning bilen tinjimidi. Namayish afriqidiki mali, nigériye qatarliq döletlergiche kéngeygen. B d t bash katipi kofi annan, musulmanlarni " jillands postén géziti" ning epusini qobul qilishqa chaqirghan. Fransiye tashqiy ishlar ministiri filip dosté blaziy, tereplerni özini tutuwélishqa chaqirdi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet