Муһәммәд пәйғәмбәрниң һәҗиви рәсими "йәр шари характерлик кризис" яратти


2006.02.07
Share on WhatsApp
Share on WhatsApp

Данийә баш министири расмуссен, муһәммәд пәйғәмбәрниң тунҗи қетим данийә гезитидә елан қилинған һәҗиви рәсими кәлтүрүп чиқарған маҗирани "йәр шари характирлик кризис" дәп атиди. У, мусулманларни зораванлиқтин сақлинишқа чақирған. Русмуссен, диний әсәбийләр " мәдәнийәтләр тоқунуши" пәйда қилиш койида йүрмәктә, дәйду.

У, сәйшәнбә күни копенхагенда чақирған мухбирларни күтүвелиш йиғинида, " биз һәҗиви рәсим мәсилисдә йәр шари характерлик киризискә дуч кәлмәктимиз " деди. У, диний әсәбийләрниң бу маҗирадин пайдилиниватқанлиқини әскәртип, "бизниң бу мәсилини зораванлиқ билән әмәс, сөһбәт билән һәл қилишқа еһтияҗимиз бар " дәп көрсәтти. Шуниң билән биргә ливан, сүрийә вә ирандики данийә әлчиханисиға һуҗум қилиш вәқәлирини әйиблиди. У, " данийә хәлқи исламниң дүшмини әмәс. Биз баравәрликни қобул қилмайдиған кишиләр яки исламниң дүшмини, дәп қариливатимиз. Бундақ дийиш тоғра әмәс. Радикаллар вә диний әсәбийләр мәдәнийәт вә диний тоқунушни кеңәйтиш койида йүрмәктә" дәйду.

Бу арида данийә һөкүмити теһрандики данийә әлчиханисиниң һуҗумға учраш вәқәсигә иран мәсул болуши керәк, дәп көрсәтти. Иран данийә маллирини байқут қилған вә данийә билән болған сода мунасвитини тоңлатқан иди. явропа комитетиниң баянатчиси җоһаннис лейтинбергер, данийә маллирини байқут қилиш явропа маллирини байқут қилиш билән охшаш, дәп баянат елан қилди.

Бу җәрянда намайишлар ислам дунясида сәйшәнбә күни йәнә давам қилди. Афғанистанниң ғәрбий - шималида ш а о ә т қисимлири билән афғанистанлиқ намайишчилар оттурисида тоқунуш йүз берип, 3 афған пуқраси өлгән. Һиндонезийә, филиппин, негирийә,пакистанларда намайиш өткүзүлди. Норвигийә сүрийә һөкүмитидин дәмәшқтики әлчиханиси үчүн төләм төләп беришни тәләп қилған. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.