Президент буш, исраилийигә йәһудий мәһәллилириниң қурулушини тохтитиш һәққидә нәсиһәт қилди


2005-04-12
Share

Америка президенти җорҗи буш сәйшәнбә күни тексастики шәхси қоруқида, исраилийә баш министири арийол шарунни күтүвелип, исраилийә даирилириниң ғәрбий қирғақтики пәләстин зиминида йәһуди мәһәллилирини ясаш қурулушини тохтитишни тәләп қилди.

Президент буш, исраилийиниң хәлқара тинчлиқ пиланиға чоқум әмәл қилишини тәләп қилди. Хәлқара тинчлиқ пиланида исраилийиниң ғәрбий қирғақтики пәләстин зиминлирида йәһудий мәһәллилирини қуруши чәкләнгән. Президент буш мундақ деди: мән шуни өзлүксиз әскәртип кәлдим, исраилийә чоқум тинчлиқ йол хәритисигә әмәл қилиши шундақла ғәрбий қирғақтики йәһудий мәһәллилириниң қурулушини чәклиши керәк."

Исраилийә баш министири шарун, йеқинда газа вә ғәрбий қирғақниң бир қисим җайлиридики 8 миң йәһудий көчмәнни чекиндүрүш пиланини тәстиқлиған. Амма йерусалемниң шәрқидики җайларда 3 миң йәһудий қоруси қурушни мақуллиған иди.

Иордан дәрясиниң ғәрбий қирғиқидики зиминларни толуқи билән өз ичигә алмиған пәләстин дөлити, пәләстинликләрдә гуман туғдуридикән. Шарун, райондики йәһудий мәһәллилириниң һәммиси исраилийиниң контроллиқида болидиғанлиқини билдүргән.

Президент буш, исраилийә -пәләстин чегрисини 1949 - йилдики уруш тохтитиш келишими бойичә айриш әмәлийәткә уйғун әмәс, дәп көрсәтти. Амма у, бу мәсилини һәл қилишниң чариси чоқум исраилийиликләр билән пәләстинликләр оттурисидики келишим, дәп әскәртти. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт