Isra'iliye armiyisi ghezze rayonigha hujum qildi

Xewerlerge qarighanda téxi yéqindila ghezze rayonidin qoshun chékindürüsh buyruqi élan qilghan isra'iliye herbiy da'iriliri yekshenbe küni ghezzege rakéta bilen hujum qozghighan bolup, netijide az dégende 22 adem yarilan'ghan we 2 adem ölgen.

Isra'iliye terep özlirining bu hujumining " xamas" teshkilatining qoralliq guruppisigha qaritilganliqini bildürgen bolsimu, emma ular atqan rakétaning ghezzediki ahalilar zich rayondiki bir mektepke chüshkenliki éytilmaqta. Yaridar bolghanlarning köpinchisi, balilar we ayallar iken.

Bb s agéntliqining uchuridin qarighanda isra'iliye hökümiti ghezzege qaratqan bu herbiy heriketlirini " tunji yamghur" dep atighan bolup, isra'iliye da'iriliri ghezzediki " xamas" teshkilatidin rakéta arqiliq hujum qilish, qolgha élish we pelestinliklerni isra'iliye tewesige kirgüzmeslik bilen öch élishni pilanlighan iken.

Shu wejidin isra'iliye da'iriliri yene rammalla we xéwron qatarliq jaylarda 150 din artuq pelestinlikni qolgha alghan. (Ümidwar)