Isra'iliye bash ministiri sharon likud partiyisidin chikindi

Isra'iliye bash ministiri ariyal sharon hakimiyettiki ongchi likud partiyisidin chikindi. U téléwizorda qilghan nutuqida, " likud partiyisi isra'iliyini döletning nishanigha yitekliyelmeydu" dep körsetti.

Chet'el metbu'atlirining xewirige qarighanda, sharon 30 yil awwal özi qurushqa qatnashqan likud partiyisidin chikinip uzun ötmeyla prézidénttin nöwettiki parlaméntni tarqitip, yéngi parlamént saylimining waqtini ilgiri sürüshni telep qilghan. Isra'iliye metbu'atlirining bildürüshiche, saylam kiler yili 3 - aylarda ötküzlüshi mumkin. Xewerlerge qarighanda, ariyal sharon nöwette yéngi siyasiy partiye qurushni pilanlimaqta. Analizchilar, sharonning ongchi likud partiyisi bilen ada- juda bolushining isra'iliye siyasiy sehniside menpe'etlerning qayta teshkillinip, isra'iliyining siyasiy yölünüshining qayta bikitilidighanliqini bildürmekte.

Ariyal sharonning bu yil ghezze rayuni we i'ordan deryasining gherbiy qirghiqidiki qismen jaylardin qushun chikindürüsh herikiti , likud partiyisidiki ongchilarning qattiq qarshiliqigha uchrighan. Ongchilar 1967 - yilidiki urushta isra'iliye igiligen ziminlarda yehudiylarning ahale rayunlirini kéngeytishni qollaytti. Buning aldida, isra'iliyidiki mötidil partiye bolghan ishchilar partiyisi sharonning birleshme hökümitidin chikin'gen idi. (Arzu)