Исраилийә қошуни ғәззидики йәһудийларни мәҗбурий көчүрмәктә


2005-08-17
Share

Ғәззә районида олтурақлашқан йәһудийларниң бу йәрдин көчүп чиқип кетиш ахирқи муддити сәйшәнбә күни кәчтә тошқандин кейин, исраилийә һәрбий даирилири чаршәнбидин башлап бу йәрдин көчмәй туривалған йәһудийларни мәҗбурий көчүрүшкә башлиди.

Ғәззә районида олтурақлишивалған йәһудийларниң бу йәрдин көчүп чиқип кетиш ахирқи муддити сәйшәнбә күни кәчтә тошқандин кейин, исраилийә һәрбий даирилири чаршәнбидин башлап бу йәрдин көчмәй туривалған йәһудийларни мәҗбурий көчүрүшкә башлиди.

Һәрбий даириләр бу йәрдики йәһудий аһалиләрни мәҗбурий көчүрүш билән биргә, топа түртүш машинилири билән ғәззидики йәһудийлар олтурақлашқан неве декалим дегән җайдики чедир вә тамларни өрүп маңди.

Бу районда илгири 8500 йәһудий аһалиси яшайдиған болуп, көчүш буйруқи чүшкәндин кейин, буларниң йерими көчүп кәткән иди. Исраилийә һәрбий даирилири бу йәрдә қелип қалған йәһудийларни мәҗбурий көчүрүш һәрикитиниң йәнә 48 саәт давамлишидиғанлиқини билдүрди.

Бу арида исраилийә баш министири ариал шарон, исраилийә әскәрлириниң ғәззидики йәһудийларни көчүрүш һәрикитидә көрсәткән ақиланилиқи вә соғуқ қанлиқидин толиму тәсирләнгәнликини билдүрүп, амминиң ғәзивини әскәрләрдин чиқармаслиққа чақирди. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт