Isra'iliye qoshuni ghezzidiki yehudiylarni mejburiy köchürmekte

Ghezze rayonida olturaqlashqan yehudiylarning bu yerdin köchüp chiqip kétish axirqi mudditi seyshenbe küni kechte toshqandin kéyin, isra'iliye herbiy da'iriliri charshenbidin bashlap bu yerdin köchmey turiwalghan yehudiylarni mejburiy köchürüshke bashlidi.

Ghezze rayonida olturaqlishiwalghan yehudiylarning bu yerdin köchüp chiqip kétish axirqi mudditi seyshenbe küni kechte toshqandin kéyin, isra'iliye herbiy da'iriliri charshenbidin bashlap bu yerdin köchmey turiwalghan yehudiylarni mejburiy köchürüshke bashlidi.

Herbiy da'iriler bu yerdiki yehudiy ahalilerni mejburiy köchürüsh bilen birge, topa türtüsh mashiniliri bilen ghezzidiki yehudiylar olturaqlashqan néwé dékalim dégen jaydiki chédir we tamlarni örüp mangdi.

Bu rayonda ilgiri 8500 yehudiy ahalisi yashaydighan bolup, köchüsh buyruqi chüshkendin kéyin, bularning yérimi köchüp ketken idi. Isra'iliye herbiy da'iriliri bu yerde qélip qalghan yehudiylarni mejburiy köchürüsh herikitining yene 48 sa'et dawamlishidighanliqini bildürdi.

Bu arida isra'iliye bash ministiri ari'al sharon, isra'iliye eskerlirining ghezzidiki yehudiylarni köchürüsh herikitide körsetken aqilaniliqi we soghuq qanliqidin tolimu tesirlen'genlikini bildürüp, ammining gheziwini eskerlerdin chiqarmasliqqa chaqirdi. (Peride)