Sharon pelestin döliti qurulushining mumkinchiliki heqqide bisharet berdi

Isra'iliye bash ministiri aril sharon peyshenbe küni axshimi herziliya shehiride ötküzülgen bir yighinda söz qilip, eger pelestinlik militantlar isra'iliyige qarshi élip bériwatqan hujumlirini toxtatsa, musteqil bir pelestin döliti quralaydighanliqining bisharitini berdi.

Isra'iliye bash ministiri sözide, yasir arapatni tinchliq yolidiki asasliq tosalghu dep eyiblep, 2005 - yilining yaxshi pursetler bilen tolghan bir yil ikenlikini körsetti. U sözide yene, biz ning aldimizda nahayiti yaxshi bir purset turidu. Yene qachan bundaq bir pursetning kélidighanliqi melum emes. Shunga bu pursetni qoldin bermey, pelestinlikler bilen kélishishimiz kérek, didi.

Emma pelestin rehberliri sharonning sözliride yéngi bir néme yoq ikenlikini tekitlidi. Pelestinliklerning rehbiri yasir arapatni ramalladiki sariyida üch yilgha yéqin qamal qilip, uning ramalladin ayrilishigha ruxset bermigen aril sharon hökümiti yasir erapatning salametlik ehwali jiddileshkendin kéyin, andin uning dawalinish üchün franisyige bérishigha ruxset qilghan. Arapat 11 – noyabir küni fransiyidiki herbiy doxturxanida wapat boldi.

Yasir erapatning ölümidin kéyin, isra'iliye hökümiti uning ornigha saylinidighan pelestin rehbiri bilen ottura sherqte tinchliqni qaytidin tiklesh üchün hemkarliship ishleydighanliqini bildürmekte.

2005 - Yili 9 - yanwar küni arapatning ornini alidighan pelestin rehbirini saylap chiqish üchün pelestinde omumi saylam ötküzülmekchi.

Amérika birleshme agéntliqining xewer qilishiche, pelestinde ötküzülidighan saylamda nöwettiki eng küchlük kandidat pelestinning sabiq bash minsitiri mehmud abbas iken (qanat)