ئىسرائىلىيە غەربىي قىرغاقتىن قوشۇن چېكىندۈرۈشنى پىلانلىماقتا


2005.02.03
Share on WhatsApp
Share on WhatsApp

ئىسرائىلىيە دائىرىلىرى ئىئوردان دەرياسىنىڭ غەربىي قىرغىقىدىكى شەھەرلەردىن قوشۇن چېكىندۈرۈش ۋە نەچچە يۈزلىگەن پەلەستىن تۇتقۇنلىرىنى قويۇپ بېرىش ھەققىدە قارار چىقاردى. بۇ قارار دەل كىلەر ھەپتە ئېچىلىدىغان ئىككى تەرەپ رەھبەرلىرى سۆھبىتىنىڭ ھارپىسىدا چىقىرىلغان.

ئەنگىلىيە ب ب س رادىئو- تېلېۋىزىيىسىنىڭ خەۋىرىگە قارىغاندا، بۇ قېتىم جەمئىي 900 دەك پەلەستىنلىك قويۇپ بېرىلىشى مۇمكىن ئىكەن. بىراق قويۇپ بېرىلىدىغان پەلەستىنلىكلەرنىڭ كونكرېت سانى ۋە ئۆلچىمى يەنىلا مۇزاكىرە قىلىنماقتا. بۇ، يېڭىدىن سايلانغان پەلەستىن رەھبىرى ماخمۇد ئابباسنىڭ ئۆز ھاكىمىيىتىنى مۇستەھكەملىشىدە ئىنتايىن مۇھىم رول ئوينايدۇ، دەپ قارالماقتا.

كېلەر ھەپتە ئىسرائىلىيە ۋە پەلەستىن رەھبەرلىرى مىسىردا سۆھبەت ئۆتكۈزىدۇ. خەۋەرگە قارىغاندا، ئۇلار بۇ ئارقىلىق ئىككى تەرەپنىڭ ئۇزۇندىن بۇيان داۋام قىلىپ كېلىۋاتقان توقۇنۇشلىرىغا خاتىمە بېرىشنى ئۈمىد قىلىدىكەن.

يىغىنغا ئىسرائىلىيە باش مىنىستىرى ئارىيال شارون ۋە پەلەستىن رەھبىرى مەخمۇد ئابباس قاتناشقاندىن سىرت، مىسىرنىڭ پرېزىدېنتى ھۆسنى مۇبارەك ۋە ئىئوردانىيىنىڭ پادىشاھى ئابدۇللامۇ قاتنىشىدىكەن. (ئارزۇ)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.