Исраилийә ғәрбий қирғақтин қошун чекиндүрүшни пиланлимақта


2005-02-03
Share

Исраилийә даирилири иордан дәрясиниң ғәрбий қирғиқидики шәһәрләрдин қошун чекиндүрүш вә нәччә йүзлигән пәләстин тутқунлирини қоюп бериш һәққидә қарар чиқарди. Бу қарар дәл киләр һәптә ечилидиған икки тәрәп рәһбәрлири сөһбитиниң һарписида чиқирилған.

Әнгилийә б б с радио- телевизийисиниң хәвиригә қариғанда, бу қетим җәмий 900 дәк пәләстинлик қоюп берилиши мумкин икән. Бирақ қоюп берилидиған пәләстинликләрниң конкрет сани вә өлчими йәнила музакирә қилинмақта. Бу, йеңидин сайланған пәләстин рәһбири махмуд аббасниң өз һакимийитини мустәһкәмлишидә интайин муһим рол ойнайду, дәп қаралмақта.

Келәр һәптә исраилийә вә пәләстин рәһбәрлири мисирда сөһбәт өткүзиду. Хәвәргә қариғанда, улар бу арқилиқ икки тәрәпниң узундин буян давам қилип келиватқан тоқунушлириға хатимә беришни үмид қилидикән.

Йиғинға исраилийә баш министири ариял шарон вә пәләстин рәһбири мәхмуд аббас қатнашқандин сирт, мисирниң президенти һөсни мубарәк вә иорданийиниң падишаһи абдулламу қатнишидикән. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт