Pelestin bilen isra'iliye pat arida urush toxtitish kélishimi imzalishi mumkin

Eng yéngi xewerlerge qarighanda pelestin bilen isra'iliye pat arida urush toxtitish kélishimi imzalap, ikki terep otturisidiki 4 yildin béri dawamlishiwatqan toqunushqa xatime bérishi mumkin.

Roytérs axbarat agéntliqining xewer qilishiche, kélishimni isra'iliye bash ministiri ariyol sharun bilen pelestin rehbiri maxmud abbas, seyshenbe küni misirda uchrashqanda imzalaydiken. Pelestin terepning bash söhbet wekili sa'ad erekat, pelestin - isra'iliye rehberlirining seyshenbe küni misirda ötküzülidighan bashliqlar yighinidin kéyin, ikki terep rehberlirining urush toxtitish kélishimige imza qoyidighanliqini jakarlighan. Isra'iliye terep urush toxtitish kélishimi imzalinidighanliqini étirap qilghan. Erekatning bildürüshiche, kélishim isra'iliye qoshunlirini gherbiy qirghaqtin chékindürüsh shundaqla türmidiki pelestinlik mehbuslarni qoyup bérish mesilisigimu chétilidiken.

Buningdin sel ilgiri ottura sherqni ziyaret qilghan amérika tashqi ishlar ministiri kondiliza rayis, pelestin rehbiri maxmud abbas shundaqla isra'iliye bash ministiri ariyol sharunlar bilen körüshüp, her ikkila terepni kélishim tüzüshke ündigen.

Seyshenbe küni élip bérilidighan söhbet misirning qizil déngiz boyidiki sharim el-sheyx sayahet rayonida ötküzülidu. Yighin'gha isra'iliye - pelestin rehberliridin sirt, i'ordaniye padishahi abdulla bilen misir prézidénti hüsni mubarekler qatnishidiken. Amérika tashqi ishlar ministiri kondiliza rayis, amérikiliq général wliyam wordni ottura sherq söhbet wekili qilip teyinligen shundaqla prézidént bush, isra'iliye bash ministiri sharun bilen pelestin rehbiri abbasni washin'gton'gha teklip qilghan. (Erkin)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar