Hizbulla isra'iliyining xayfa shehirige rakita atti, isra'iliye béyrutni bombardilidi

Liwandiki hizbulla qoralliq pida'iyliri yekshenbe küni isra'iliyining shimalidiki xayfa shehirige rakita atti. Buning netijiside az dégende 8 kishi öldi. Bu arida isra'iliye da'irilirimu liwan paytexti béyruttiki bombardiman herikitini dawamlashturdi.

Hizbulla terep xayfadiki bu hujumning israliyining liwandiki xelqlerge keltürüp chiqarghan ziyankeshlikliri bedlige qilin'ghanliqini eskertti. Hizbulla isra'iliyining 3‏-chong shehiri bolghan xayfa shehirige az dégende 20 rakita atqan. Ölgen 8 kishidin bashqa yarilan'ghanlarning sanimu 20 din ashqan.

Isra'iliyining liwandiki hujumi, hizbulla qisimlirining 2 neper israliye eskirini tutqun qilishi we 8ini étip öltürishi bilen bashlan'ghan bolup, hazirghiche liwanda 112 kishi ölgen. Liwanning xoshna döletliridin iran bilen süriye arqa-arqidin isra'iliyini pursettin paydilinip ulargha hujum qilmasliqqa agahlandurdi. (Peride)