Istanbulda namayish yüz berdi


2007.04.29
Share on WhatsApp
Share on WhatsApp

Yekshenbe küni türkiyining istanbul shehiride bir qanche yüz ming kishi qatnashqan keng kölemlik namayish yüz bérip, bu döletning en'enilirini dawamlashturushni telep qildi.

Bundaq namayishlar ikki heptilerdin buyan dawamlishiwatqan bolup, namayishchilar dölette islamiy en'enilerge sadiq bolghan hazirqi hökümetke naraziliq bildürgen hemde siyaset bilen din ayrilghan tüzümni dawamlashturushni qollaydighanliqlirini bildürüshken. 27-April künidiki prézidént saylimida hazirqi hakimiyettiki adalet partiyisidin kélip chiqqan tashqi ishlar ministiri abdulla gül toluq béletke érishelmigen. Bu qétim öktichi jumhuriyet xelq partiyisi, ana weten partiyisige tewe köpligen parlamént ezaliri bélet tashlashqa qatnashmighan. Türkiye herbiy da'iriliri islamchiliqni eyiblep, türkiyining hökümet bilen dinni ayrip bashqurush tüzümini qoghdaydighanliqini tekitligen.

En'giliye b b s agéntliqining uchurigha asaslan'ghanda, bir neper türkiye herbiy rehbiri bu döletning qoralliq küchlirining türkiyining en'eniwi tertiplirining küchlük qoghdighuchisi ikenlikini untup qalmasliqni tekitligen, hökümet bayanatchisi armiyening bash ministirning buyruqigha boy sunushi kéreklikini eskertken.

Biraq, tashqi ishlar ministiri abdulla gül buning bilen özining prézidéntliq namzitidin waz kechmeydighanliqi hem uni saqlaydighanliqini tekitligen. Adalet partiyisi islam diniy arqa körünishi bar partiye dep qariliwatqan bolup, egerde abdulla gül ghelibe qilsa, u türkiyining tunji islamiy idiyidiki partiyidin kélip chiqqan prézidénti bolup qalidiken. (Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.