Eshkroft we éwans xizmitidin istipa berdi


2004.11.10
Share on WhatsApp
Share on WhatsApp

Amérikining edliye minisitiri jon eshkroft we soda ministiri don éwans seyshenbe küni xizmitidin istipa bérish iltimasini aq saraygha sundi. Bu jorj w bush prézidéntlikke qayta saylan'ghandin buyan ichki kabént ezalirining tunji qétim istipa bérishi bolup hésablinidu.

Amérika birleshme axbarat agéntliqining xewirige qarighanda, prézidént bush bu ikki emeldarning xizmet töhpilirini medhiyilep, edliye ministiri eshkroftning, amérikining dölet bixeterlikini qoghdash üchün köp ejir singdürgenlikini hemde körünerlik netijilerni qolgha keltürgenlikini bildürdi.

Eshkroft amérikidiki konsérwatip xiristi'anlar arisida alqishqa érishsimu, emma uning -11 séntebir weqesidin kéyin yolgha qoyghan, amérika puqrasini soraq qilmastin uzun mezgil tutup turushqa bolush yéngi belgilimisi, amérikidiki musulmanlarni we kishilik hoquq teshkilatlirini renjitken idi.

Bush yene, soda ministiri don éwansning özining eng ishinidighan dosti we meslihetchisi ikenlikini, shundaqla uning wezipe ötigen mezgilide iqtisadiy bixeterlikni ilgiri sürüp, pütün amérika xelqighe bayliq yaritishta köp töhpe qoshqanliqini medhiylidi.

Bush nöwette kéler qétimliq prézidéntliki üchün ichki kabéntini qayta retleshke teyyarliq köriwatqan bolup, bezi siyasiy analizchilar amérika tashqi ishlar ministiri kolin powél we dölet mudapi'e ministiri donald ramzfélningmu istipa bérishni oylishiwatqanliqini perez qilmaqta. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet