Америка хитайниң баш көтүрүшигә тақабил туруш истратегийиси бәлгилиши керәк


2005-11-10
Share

Америка дөләт мәҗлисиниң қармиқидики бир тәкшүрүш комитети чаршәнбә күни дөләт мәҗлисигә йиллиқ доклатини сунуп, америкини хитайниң баш көтүрүшигә тақабил туруш истратегийисини бекитип чиқишқа чақирди.

Америка- хитай иқтисад вә бихәтәрлик мунасивитини тәкшүрүш комитети доклатида, " америка вә хитай , кәлгүсидә чоқум қораллиқ тиркишиши натайин болсиму, әмма америка, нурғун җәһәттә икки дөләтниң охшаш болмиған мәнпәәт , муддиа вә қиммәт қариши барлиқини тонуп йетиши керәк" дәп билдүргән. Улар америкиниң хитайниң иқтисадий вә һәрбий җәһәттин баш көтүрүшигә қарита, омумий бир истиратегийигә игә әмәсликини көрситип, америка дөләт мәҗлисигә бир йүрүш тәклибләрни оттуриға қойған.

Мәзкур комитет, бихәтәрлик җәһәттин америкиниң тинч окян районидики һәрбий күчини ашурушни ойлишиши керәкликини, иқтисадий җәһәттин, хитайдин импорт қилинидиған маллардин елинидиған баҗни ашурушни ойлишиши керәкликини билдүргән.

Мәзкур комитет йәнә, хитай һөкүмитиниң ентернеттә сөз әркинликини боғушини тәнқид қилип, дөләт мәҗлисиниң күч чиқирип, хитайда тиҗарәт қиливатқан америка ширкәтлириниң хитайниң сөз әркинликини бастуруш мәшғулатиға қатнишишиниң алдини елишини оттуриға қойған.

Америка - хитай иқтисад вә бихәтәрлик мунасивитини тәкшүрүш комитетиниң асаслиқ вәзиписи, икки дөләтниң сода мунасивитиниң америкиниң бихәтәрликигә елип келидиған тәсирини баһалап, бу һәқтә һәр йили дөләт мәҗлисигә тәкшүрүш доклати сунуштин ибарәт. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт