Yawropa parlaménti sherqiy asiyadiki döletlerni özini tutuwélishqa chaqirdi


2005.07.07

Yawropa parlaménti charshenbe küni qarar maqullap, sherqiy asiyadiki xitay, yaponiye we koriye yérim arilidiki döletlerni bir - biri bilen yarishishqa chaqirdi shundaqla yawropa komitétini xitaygha qaritilghan qoral - yaraq imbargoni bikar qilish mesiliside éhtiyatchan bolushqa ündidi.

Yawropa parlaménti, bu döletlerni otturidiki zémin ixitilaplirini tinch yollar bilen hel qilishqa chaqirghan. Yawropa parlaméntining qarari, xitayning döletni parchilashqa qarshi turush qanunigha qarshi chiqish bilen birge, mezkur qanun xelq'ara ehdinamilar bilen chiqishalmaydu shundaqla teywenni tinch yollar bilen birlikke keltürüshke paydisiz, dep körsetti.

Yawropa parlaméntining tekitlishiche, bu qanun sherqiy asiyadiki küchler tengpungliqini buzush rolini oynaydiken shundaqla bu qanun yawropa ittipaqini imbargo mesiliside ikkilendürüp qoyghan. Xitay hökümiti bu yil 3 - ayda chiqarghan mezkur qanunda, teywen musteqilliq jakarlisida yaki teywenni birlikke keltürüsh yolliri taqalsa, xitay qoralliq qisimlirigha hujum qilish hoquqi bergen.

Yawropa komitétining prézidénti josi mani'ul barasso, kéler hepte béyjingni ziyaret qilidu. Yawropa ittipaqining tashqi ishlar komisari waldner, sherqiy asiyada bash kötürüwatqan milletchilik éqimi , rayondiki siyasi mesililerni hel qilishqa paydisiz, dep agahlandurghan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.