Японийә-хитай рәһбәрлири ихтилапларни бир тәрәп қилалмиди


2005-04-18
Share

японийә вә хитай рәһбәрлири икки дөләт оттурисидики ихтилапларни бир тәрәп қилиш үчүн дүшәнбә күни бейҗиңда сөһбәт елип барди. Лекин ройтирис агентлиқиниң хәвәр қилишичә, японийә ташқи ишлар миниситириниң бейҗиңда хитай рәһбәрлири билән өткүзгән сөһбәтлири җәрянида икки тәрәп оттуриға чиққан ихтилапларни һәл қилиш тоғрисида келишәлмигән.

Хәвәрләргә қариғанда, хитайда йүз бәргән японийигә қарши намайишлар, икки дөләт оттурисидики земин даваси, японийидә йеңи бесилип чиққан тарих дәрслик китаблири вә японийиниң бирләшкән дөләтләр тәшкилати бихәтәрлик кеңишидә даимий әзалиқ һоқуқини қолға кәлтүрүш һәрикити японийә- хитай мунасивәтлирини оттуз йилдин буянқи әң начар әһвалға чүшүрүп қойған.

японийиниң кийодо агентлиқиниң билдүрүшичә, хитай тәрәп, японийә ташқи ишлар министириниң хитайда йүз бәргән японийигә қарши намайишлар түпәйлидин, хитай һөкүмитиниң японийидин әпу сораш тоғрисидики тәлипини рәт қилған.

Йәкшәнбә күни хитай ташқи ишлар министири ли җавшиң японийә ташқи ишлар министири мачимораға японийигә қарши хитайда йүз бәргән намайишлар үчүн хитай һөкүмитиниң японийидин әпу соримайдиғанлиқини билдүргән.

Хәвәрдә ейтилишичә, хитай муавин ташқи ишлар министири ву давий японийини тарихий мәсилиләрни тоғра бир тәрәп қилалмиди дәп әйиблигән. (Қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт