Yaponiye-xitay rehberliri ixtilaplarni bir terep qilalmidi


2005-04-18
Share

Yaponiye we xitay rehberliri ikki dölet otturisidiki ixtilaplarni bir terep qilish üchün düshenbe küni béyjingda söhbet élip bardi. Lékin roytiris agéntliqining xewer qilishiche, yaponiye tashqi ishlar minisitirining béyjingda xitay rehberliri bilen ötküzgen söhbetliri jeryanida ikki terep otturigha chiqqan ixtilaplarni hel qilish toghrisida kélishelmigen.

Xewerlerge qarighanda, xitayda yüz bergen yaponiyige qarshi namayishlar, ikki dölet otturisidiki zémin dawasi, yaponiyide yéngi bésilip chiqqan tarix derslik kitabliri we yaponiyining birleshken döletler teshkilati bixeterlik kéngishide da'imiy ezaliq hoquqini qolgha keltürüsh herikiti yaponiye- xitay munasiwetlirini ottuz yildin buyanqi eng nachar ehwalgha chüshürüp qoyghan.

Yaponiyining kiyodo agéntliqining bildürüshiche, xitay terep, yaponiye tashqi ishlar ministirining xitayda yüz bergen yaponiyige qarshi namayishlar tüpeylidin, xitay hökümitining yaponiyidin epu sorash toghrisidiki telipini ret qilghan.

Yekshenbe küni xitay tashqi ishlar ministiri li jawshing yaponiye tashqi ishlar ministiri machimoragha yaponiyige qarshi xitayda yüz bergen namayishlar üchün xitay hökümitining yaponiyidin epu sorimaydighanliqini bildürgen.

Xewerde éytilishiche, xitay mu'awin tashqi ishlar ministiri wu dawiy yaponiyini tarixiy mesililerni toghra bir terep qilalmidi dep eyibligen. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet