Майкил җексон мусулман болмақчи
2005.12.11
Хәвәрләргә қариғанда америкиниң атақлиқ нахшичиси майкил җексон ислам динини қобул қилмақчи икән.
Русийиниң интерфакис агентлиқиниң әрәб ахбарат вастилиридин "қалиҗ ватқи" дин нәқил кәлтүрүшичә, майкил җексон өзи үстидин елип берилған узунға созулған сот ахирлашқандин кейин, үч балисини елип әрәб йерим арилидики бәһрәйингә көчүп барған һәмдә у җайниң даимлиқ яшаш салаһийитигә еришкән. Майкил җексон ислам динини қобул қилмақчи икән. Әмма, униң исламға киргән-яки кирмигәнлики һәққидә һазирчә ениқ учур йоқ.
Русийә агентлиқиниң әрәп гезитлиридин нәқил кәлтүрүшичә, дуняға тонулған мәшһур нахшичи майкил җексон бәһрәйиндин алаһидә есил туралғу өй-имарәт вә йәр сетивалған болуп, у өз өйиниң йениға мәсчит селишни, бу мәсчиттә ислам диний қаидилири һәмдә ингилиз тили оқутушни йолға қоюшни пиланлиған, һәтта у америкидин мәхсус ингилиз тили оқутқучиси елип кәлмәкчи болған. (Үмидвар)