Xaw féngjün, xitayning awstraliyidiki jasusluq torini pash qilidighan pakitlarni élan qildi
2005.06.21
Bu yil 2 - ayda awstraliyige barghandin kéyin shu yerde qélip qalghan xitay dölet bixeterlik xadimi xaw féngjün, xitayning awstraliyide jasusluq tori qurghanliqigha da'ir pakitlarni élan qildi.
Awstraliye téléwiziye istansisining xewer qilishiche, mezkur téléwiziye istansisi xaw féngjün teminligen xitayning awstraliyidiki jasusluq torigha da'ir mexpiy höjjetlerni tapshuruwalghan. Xaw féngjün özini tonushturushiche, u xitay dölet bixeterlik ministirliqi qarmiqidiki démokratik teshkilatlar we falun'gong herikitini nazaret qilish orgini 610 - ishxanining xadimi iken.
Xaw féngjün teminligen matiryallar 610 - ishxanining teshkili qurulmisigha da'ir höjjetlerni asas qilghan.
Yéqinda awstraliyidiki xitay elchixanisining diplomatik emeldari chin yonglin, xitay elchixanisidin qéchip chiqip awstraliye hökümitidin siyasi panahliq tiligen idi. U, xaw féngjünning awstraliyide minglarche xitay jasusi barliqi heqqidiki köz qarishini rast, dep qollighan.
Awstraliye köchmenler idarisi chin yonglin'gha waqitliq panalinish wizisi berdi. Chin yonglinning tekitlishiche, xaw féngjün teminligen höjjetlerning rast bolush ihtimalliqi yuqiriken. Xitay hökümiti hazirgha qeder, xaw féngjün élan qilghan mexpiy matiryallar toghrisida pikir bayan qilishtin özini qachurup keldi. (Erkin)
Munasiwetlik maqalilar
- Sabiq xitay diplomati awstraliyide xitay ishpiyonluq tori barliqini bildürdi
- Amérika doklatida, xitayning amérikigha qaratqan jasusluq heriketlirining tehditini mölcherlidi
- Xitay amérikidiki ishpiyonluq pa'aliyetlirini kücheytmekte
- Rosiye sot mehkimisi xitaygha ishpiyonluq qilghan ros alimini jazagha höküm qildi