Америка 3 нәпәр америкилиқ хитайни ахбарат оғрилаш билән әйиблиди


2005.11.16
Share on WhatsApp
Share on WhatsApp

Америкиниң федерал застатиллар өмики бир америкилиқ хитай енжинери билән униң икки туғқинини ахбарат оғрилаш билән әйиблиди. Мәзкур әйибләштә, 62 яшлиқ мәй даҗи вә униң аяли һәм иниси билән бирликтә америка деңиз армийисиниң парахотлириға аит учурларни хитайға йәткүзгәнлики йезилған.

Америка бирләшмә агентлиқиниң америка федерал әмәлдарлириниң сөзини нәқил кәлтүрүшичә, мәй даҗи америка деңиз армийә парахотлирини илғарлаштуруш тәтқиқати үстидики сәзгүр программиниң баш инжинери болуп, у бу йәрдин сәзгүр ахбаратлар қачиланған компютер дискисини оғрилап чиққан. Андин униң 62 яшлиқ аяли җав лихуа бу дисикни CD ға көчүрүп, уни мәй даҗиниң 56 яшлиқ иниси мәй дахоңға бәргән.

Америка федерал тәкшүрүш идарисиниң мәлум қилишичә, мәй дахоң 10 - айниң 28 - күни аяли билән бирликтә хоңкоңға баридиған беләтни елип қойған болуп, у йәнә гуаңҗуға берип шу йәрдики алақилишидиған кишиләр билән көрүшүшкә тәйярланған икән.

Буниңға қарита, америка федерал сот мәһкимиси уларни һөкүмәт тәәллуқатини оғрилиған вә оғриланған нәрсиләрни йөткәшкә қатнашқан, шундақла җасуслуқ қилиш җинайәтлири билән әйиблиди. Улар үстидә йәнә давамлиқ сот ечилмақчи. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.