Америкидики тәйвәнлик содигәр өзиниң хитайға җасослуқ қилғанлиқини ашкарилиди


2006.05.18
Share on WhatsApp
Share on WhatsApp

Ройетрис агентлиқи 18 ‏- май күни, америкилиқ бир қанун хадиминиң сөзини нәқил кәлтүрүп, меямий федрал сотида тәйвәнлик содигәр му кесүнниң хитай үчүн җасослуқ қилғанлиқини иқрар қилғанлиқини ашкарилиди.

58 яшлиқ му кесүн, америкиниң дөләт мудапиә санаити ширкитини көтүрәгә алған ширкәтниң тәйвәндә турушлуқ мәслиһәтчиси вә кәспий вәкили болуп, у сот қилиниш җәрянида өзиниң, хитай һөкүмитиниң қанунсиз йосунда илғар типтики һәрбий қоралларни сетивилиш қилмишлириға ярдәмләшкәнликини иқрар қилған.

Бу арида америкидики мәзкур ширкәтниң баянатчиси, ширкәтниң бу йил 1 ‏- айда му кесүн билән түзгән барлиқ келишимләрни бикар қилғанлиқини билдүрди.

Меямий федрал соти бу йил 2 ‏- айда му кесүн билән тил бириктүргән франсийилик беллмони 9 түрлүк қилмиш билән әйиблигән иди , му кесүн хитай билән хитайға сетиш чәкләнгән илғар типтики һәрбий қораллардин һавадин һаваға қоюп берилидиған һәмдә нишан бәлгиләп башқурулидиған бомба, F 16 типлиқ уруш айрупилани вә қара лачин маркилиқ тик учар сетиш килишими түзгән.

Сот му кесүнгә 30 йиллиқ қамақ җазаси вә 2 милйон америка доллири җәриманә қоюш җазаси бәргән , бирақ биллмо қечип кәткән.

Ройетрс агентлиқиниң билдүрүшичә, хитайниң вашингтонда турушлуқ баш әлчиханисиниң баянатчиси мухбирниң бу һәқтики суаллириға ипадә билдүрмигән, хитай даирилириму мәзкүр җасослуқ дилосини инкар қилған. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.