Америка йәнә 2 нәпәр хитайни ишпйонлуқ җинайити билән қолға алди


2006.06.08
Share on WhatsApp
Share on WhatsApp

Америка федерал соти чаршәнбә күни калифорнийә шитатида йәнә 2 нәпәр хитайни америка деңиз армийә парахотиға аит сәзгүр учурларни хитайға йәткүзүшкә урунғанлиқи билән әйиблиди.

Америка бирләшмә агентлиқиниң хәвәр қилишичә, бу иккиси өткән йили 10‏-айда америка һөкүмити тәрипидин ишпйонлуқ җинайити билән қолға елинған мәй дахоңниң аяли вә 26 яшлиқ оғли икән. Мәй дахоң илгири акиси мәй даҗидин алған сәзгүр учурларни хитайға йәткүзүш билән әйибләнгән иди. Шундақла федерал сот 26 яшлиқ мәй йовниң тағиси мәй даҗи йәткүзгән учурларни CD пластикисиға мәхпий сифир билән көчүрүп хитайға әвәтмәкчи болғанлиқини әйиблиди.

Америка пуқралиқидики хитай мәй даҗи калифорнийидики дөләт мудапиә санаәт ширкитиниң енжинери болуп, у бу ширкәтниң компютер сестимисидин америка деңиз армийисидики уруш парахоти вә су асти парахотиға аит учурлар һәмдә башқурилидиған бомба тәкшүргүч вә униңға қарши мудапиә техникилирини CD пластикисиға көчүрүп сақлиған. Шундақла бу учурларни хитайға йәткүзүш җәряниға униң аяли вә инисиниң аилисидикиләр қатнашқан.

Мәй даҗи иниси билән бирликтә өткән йили 10‏- айда қолға елинип ишпйонлуқ билән әйибләнди, лекин һазирғичә уларниң үстидин техи рәсмий һөкүм чиқирилмиди. Нөвәттә униң аилисидики йәнә 2 кишиниң қолға елиниши, униң үстидики җинайәтниң турғузулишиға түрткә болуши мумкин. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.