Amérika yene 2 neper xitayni ishpyonluq jinayiti bilen qolgha aldi


2006.06.08
Share on WhatsApp
Share on WhatsApp

Amérika fédéral soti charshenbe küni kaliforniye shitatida yene 2 neper xitayni amérika déngiz armiye paraxotigha a'it sezgür uchurlarni xitaygha yetküzüshke urun'ghanliqi bilen eyiblidi.

Amérika birleshme agéntliqining xewer qilishiche, bu ikkisi ötken yili 10‏-ayda amérika hökümiti teripidin ishpyonluq jinayiti bilen qolgha élin'ghan mey daxongning ayali we 26 yashliq oghli iken. Mey daxong ilgiri akisi mey dajidin alghan sezgür uchurlarni xitaygha yetküzüsh bilen eyiblen'gen idi. Shundaqla fédéral sot 26 yashliq mey yowning taghisi mey daji yetküzgen uchurlarni CD plastikisigha mexpiy sifir bilen köchürüp xitaygha ewetmekchi bolghanliqini eyiblidi.

Amérika puqraliqidiki xitay mey daji kaliforniyidiki dölet mudapi'e sana'et shirkitining énzhinéri bolup, u bu shirketning kompyutér séstimisidin amérika déngiz armiyisidiki urush paraxoti we su asti paraxotigha a'it uchurlar hemde bashqurilidighan bomba tekshürgüch we uninggha qarshi mudapi'e téxnikilirini CD plastikisigha köchürüp saqlighan. Shundaqla bu uchurlarni xitaygha yetküzüsh jeryanigha uning ayali we inisining a'ilisidikiler qatnashqan.

Mey daji inisi bilen birlikte ötken yili 10‏- ayda qolgha élinip ishpyonluq bilen eyiblendi, lékin hazirghiche ularning üstidin téxi resmiy höküm chiqirilmidi. Nöwette uning a'ilisidiki yene 2 kishining qolgha élinishi, uning üstidiki jinayetning turghuzulishigha türtke bolushi mumkin. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.