Хитай җасуслири америкиниң калифорния шитатидасотлинишқа башлиди


2007.03.28
Share on WhatsApp
Share on WhatsApp

28 ‏- Март күни америкиниң калифорния шитатида хитай җасуслири сотлинишқа башлиди. "Америка авази"ниң хәвәр қилишичә, 1985 ‏- йили америка пуқралиқиға өткән 66 яшлиқ мәй даҗж калифорния штатиниң җәнубий қисмида, америкидики дөләт мудапиә санаити саһәсидики алтә чоң ширкәтниң бири болған L3 учур-алақә ширкитидә вәзипә өтәш җәрянида, су асти парахотлириға ишлитидиған авазсиз денам ясаш техникисиға даир материялларни CD дескиға қачилап, мәхпий номур қоюп, уни җийәни мәй бейли арқилиқ укиси мәйдахуңға тапшуруп бәргән. Америка дөләт тәкшүрүш идариси 2005 ‏- йили 10 ‏- айниң 28 ‏- күни мәй дахоң билән униң хотунини лос анҗилис айрудиромида қолға алған иди. Әйни вақитта, уларниң йүк -тақилири ичидин CD дескисиға қачиланған бу мәхпий материял тепилған.

Хәвәрдә баян қилинишичә, һазир америкида сотлинишқа башлиған хитай җасуслири "хитайға америкиниң һәрбий техникисини икиспорт қилишқа орунған" қатарлиқ 6 хил җинайәт билән әйибләнмәктә. Бу қетимқи җасус сотлаш ишиға 12 кишилик сот коллегийиси тәшкилләнгән. Бу сот коллегийисиниң 4 и әр, 8 и аял. Булар сот коллегийисигә талланған 70 нәпәрдин артуқ намзатниң ичидин талливелинған. Тәйвәндә туғулған бир намзат "хитай миниң дүшминим" дәп қарайдиғанлиқи үчүн коллегийидин чиқиривитилгән. "Хитайниң барғансери күчлиниши" дин үмид күтидиған йәнә бир лаяқәтсиз намзатму сот коллегийисидин чиқиривитилгән. Җәнубий калифорнияда башланған бу қетимқи хитай җасуслирини сотлаш иши 6 һәптигичә давам қилиши мумкин. (Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.