Xitay jasusliri amérikining kaliforniya shitatidasotlinishqa bashlidi


2007.03.28
Share on WhatsApp
Share on WhatsApp

28 ‏- Mart küni amérikining kaliforniya shitatida xitay jasusliri sotlinishqa bashlidi. "Amérika awazi"ning xewer qilishiche, 1985 ‏- yili amérika puqraliqigha ötken 66 yashliq mey dajzh kaliforniya shtatining jenubiy qismida, amérikidiki dölet mudapi'e sana'iti sahesidiki alte chong shirketning biri bolghan L3 uchur-alaqe shirkitide wezipe ötesh jeryanida, su asti paraxotlirigha ishlitidighan awazsiz dénam yasash téxnikisigha da'ir matériyallarni CD déskigha qachilap, mexpiy nomur qoyup, uni jiyeni mey béyli arqiliq ukisi meydaxunggha tapshurup bergen. Amérika dölet tekshürüsh idarisi 2005 ‏- yili 10 ‏- ayning 28 ‏- küni mey daxong bilen uning xotunini los anjilis ayrudiromida qolgha alghan idi. Eyni waqitta, ularning yük -taqiliri ichidin CD déskisigha qachilan'ghan bu mexpiy matériyal tépilghan.

Xewerde bayan qilinishiche, hazir amérikida sotlinishqa bashlighan xitay jasusliri "xitaygha amérikining herbiy téxnikisini ikisport qilishqa orun'ghan" qatarliq 6 xil jinayet bilen eyiblenmekte. Bu qétimqi jasus sotlash ishigha 12 kishilik sot kollégiyisi teshkillen'gen. Bu sot kollégiyisining 4 i er, 8 i ayal. Bular sot kollégiyisige tallan'ghan 70 neperdin artuq namzatning ichidin talliwélin'ghan. Teywende tughulghan bir namzat "xitay mining düshminim" dep qaraydighanliqi üchün kollégiyidin chiqiriwitilgen. "Xitayning barghanséri küchlinishi" din ümid kütidighan yene bir layaqetsiz namzatmu sot kollégiyisidin chiqiriwitilgen. Jenubiy kaliforniyada bashlan'ghan bu qétimqi xitay jasuslirini sotlash ishi 6 heptigiche dawam qilishi mumkin. (Weli)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.