Xitay bilen rusiyining amérikigha qaritilghan jasusluq herikiti soghuqchiliq urush dewridiki sewiyige qaytti


2007.09.19

Amérika dölet axbarat idarisining bashliqi maykél mékénnél yéqinda amérika dölet mejliside ispat berdi. Fransiye agéntliqining bayan qilishiche, mékénnél ependi yighinda 'xitay bilen rusiyining amérikigha qaritilghan jasusluq herikiti soghuqchiliq urush dewridiki sewiyige qaytqan'liqini ispatlash arqiliq , amérikining bixeterlikini chet'el jasusliridin saqlashning neqeder muhimliqini körsetken. U sözide, xitay bilen rusiyining jasusluq herikitigila emes, amérika yene elqa'idichiler, iran we liwandiki hézibullachilarning hujumigha taqabil turushi lazimliqinimu körsetken.

Amérika fédéral tekshürüsh idarisining bashliqi robért müllér ependimu dölet mejliside ispat bérip, xitay jasusliri amérikidin mexpiyetlik oghrilash arqiliq kommunist partiyining herbiy küchini ashuruwatqanliqining pakitlirini bayan qilghan.

Xewerde éytilishiche , hazir amérika démokratchiliri buyil 8 ‏- ayda maqullan'ghan 'amérikini qoghdash jehettiki 2007 ‏- yilliq qanun layihisi'ning menggülük qanun'gha aylinip, qanun ijra qilghuchi xadimlarning bu qanun'gha asasen, özi jiddiy dep qarighan ehwal astida, resmiyetsiz halda her qandaq soda ‏- tijaret xatirisi, kütüpxana arxipliri we shexsiylerning téléfon, éléktironluq xet alaqilirini tekshürüsh hoquqini dawamlashturiwirishdin endishe qilmaqta. (Weli)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.