Amérika xitayning üch shirkitige jaza berdi


2004-12-02
Share

Amérikining xitaydiki elchixanisi peyshenbe küni, 3 xitay shirkiti we bir xitay puqrasi amérikining, qoral matériyallirigha munasiwetlik boyum we téxnikilarni iran'gha satmasliq cheklimisige xilapliq qilghanliqi üchün, amérika hökümitining ulargha jaza bergenlikini bildürdi.

Amérika birleshme axbarat agéntliqining xewer qilishiche, amérika elchixanisi gerche bu xitay shirketlirining iran'gha qandaq boyumlarni yetküzgenliki toghrisida tepsiliy toxtalmisimu, emma bu boyumlarning iranning uzun musapiliq bashqurulidighan bomba, yadro qoralliri we ximiyilik qorallarni tereqqiy qildurishigha paydiliq ikenlikini körsetti.

Xitay tashqi ishlar ministirliqi xitayning bu jazagha qet'iy qarshi turidighanliqini bildürüp, xitay hökümitining keng kölemde yoqitish xaraktérlik qorallarning tarqilishini cheklesh we kontrol qilishta izchil türde ünümlük charilerni qollinip kelgenlikini tekitlidi.

Amérika elchixanisining bayanatchisi sözide yene, jazalan'ghan üch xitay shirkiti we bir xitay puqrasining amérika bilen soda qilishi cheklinidighanliqi, shundaqla yene, ékisport resmiyitini telep qilidighan amérika mallirini sétiwélishni ikki yilghiche chekleydighanliqini bildürgen.

Buning bilen amérika we xelq'araning iran we pakistan qatarliq döletlerge qoral téxnikisini sétip bermeslik cheklimisige xilapliq qilghanliqi sewebidin amérika hökümiti teripidin jazalan'ghan xitay shirkiti we puqrasining sani 28 ge yetti. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet