Amérika hökümiti xitayning yette shirkitige iqtisadiy jaza yürgüzdi

Amérika hökümiti yéqinda xitayning yette shirkitini iran'gha "balistik bomba we keng kölemde qirghinchiliq yürgüzüsh xaraktérliq qoral téxnikisini sétip bergen" dep eyiblep, ulargha iqtisadiy jaza yürgüzdi.

Fransiye axbarat agéntliqining xewirige qarighanda, amérika tashqi ishlar ministirliqi ularning tizimlikini bu ayning bashliri élan qilghan. Amérika hökümiti, iran'gha balistik bomba téxnikisi sétip bergen shirketler bilen soda qilmasliq heqqidiki qanunigha asasen, mezkur xitay shirketlirining amérikida soda qilishini chekligen.

Xitay tashqi ishlar ministirliqi bu munasiwet bilen seyshenbe küni bayanat élan qilip, amérikining eyiplishini "héchqandaq asasi yoq" dep bildürdi. U bayanatida, "biz xitayning keng kölemde qirghinchiliq yürgüzüsh xaraktérliq qorallarning tarqilishini cheklesh qanunigha xilapliq qilghan shirketlerni choqum qattiq jazalaymiz" dep körsetti.

Xewerge qarighanda, amérika hökümiti bu qétim xitayning yette shirkitidin sirt, yene teywen we shimaliy koriyining ikki shirkitigimu iqtisadiy jaza yürgüzgen.(Arzu)