ئامېرىكىنىڭ جەڭچى روباتلىرى ئىراقتا ئۇرۇشقا قاتناشماقتا

ئەنگلىيىدە چىقىدىغان 'مۇداپىئە ھەپتىلىك خەۋەرلىرى' نىڭ 22 ‏- ئاۋغۇست كۈنى بايان قىلىشىچە، ئامېرىكىنىڭ يىراقتىن تىزگىنلىنىدىغان ئېلېكترونلۇق قورال-ياراقلىرى يەنى جەڭچى روباتلىرى ئىراقتا ئۇرۇشقا قاتناشماقتا.

خەۋەر تېكىستىدە ئامېرىكا قىسىملىرىنىڭ يىراقتىن تىزگىنلىنىدىغان قوراللىق روباتلىرى، راكىتاچى روباتلىرى ۋە رازۋېتكىچى روباتلارنىڭ شەكلى، قابىلىيىتى تەسۋىرلىنىپلا قالماي، بەلكى ئۇنىڭ فوتو سۈرەتلىرىمۇ قوشۇپ ئېلان قىلىنغان.

خەۋەردە بايان قىلىنىشىچە، ئامېرىكىنىڭ 3 ‏- پىيادە قىسىم دېۋىزىيىسى 3 ‏- باتاليونى 2006 ‏- يىلىدىن باشلاپ يۇقىرىدا تەسۋىرلەنگەن يىراقتىن تىزگىنلىنىدىغان ئېلېكترونلۇق قوراللار -روباتلار بىلەن قوراللاندۇرۇلۇشقا باشلىغان. بۇ روباتلار رەسمىي سىناقتىن ئۆتۈپ كىملىك ئالغان روباتلار بولۇپ، ئادەتتە دۈشمەننى يىراقتىن كۈزۈتۈش، بايقاش ۋە توسۇپ زەربە بېرىشكە، بولۇپمۇ مۇھىم قورغان -ئۆتكەللەرنى بۆسۈش جېڭىدە قوللىنىلىدىكەن. جەڭچى روباتلار ئادەتتە 4 سائەتتە بىر ئالماشتۇرۇلۇپ جەڭگە سېلىنىدىكەن.( ۋەلى)