Америкиниң җәңчи робатлири ирақта урушқа қатнашмақта


2007.08.22
Share on WhatsApp
Share on WhatsApp

Әнглийидә чиқидиған 'мудапиә һәптилик хәвәрлири' ниң 22 ‏- авғуст күни баян қилишичә, америкиниң йирақтин тизгинлинидиған електронлуқ қорал-ярақлири йәни җәңчи робатлири ирақта урушқа қатнашмақта.

Хәвәр текистидә америка қисимлириниң йирақтин тизгинлинидиған қораллиқ робатлири, ракитачи робатлири вә разветкичи робатларниң шәкли, қабилийити тәсвирлинипла қалмай, бәлки униң фото сүрәтлириму қошуп елан қилинған.

Хәвәрдә баян қилинишичә, америкиниң 3 ‏- пиядә қисим девизийиси 3 ‏- баталйони 2006 ‏- йилидин башлап юқирида тәсвирләнгән йирақтин тизгинлинидиған електронлуқ қораллар -робатлар билән қоралландурулушқа башлиған. Бу робатлар рәсмий синақтин өтүп кимлик алған робатлар болуп, адәттә дүшмәнни йирақтин күзүтүш, байқаш вә тосуп зәрбә беришкә, болупму муһим қорған -өткәлләрни бөсүш җеңидә қоллинилидикән. Җәңчи робатлар адәттә 4 саәттә бир алмаштурулуп җәңгә селинидикән.( Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.