Афғанистанниң пайтәхти кабулда өзини өлтүрвелиш характерлик партлитиш һуҗуми йүз бәрди


2006.10.02
Share on WhatsApp
Share on WhatsApp

Афғанистан һөкүмәт хадиминиң ашкарлишичә, кабулдики ички ишлар министирлиқиға йеқин бир җайда өзини өлтүрвелиш характерлик партлитиш һуҗуми йүз берип, 12 адәм қаза қилған, 42 адәм яриланған.

Афғанистан ички ишлар баянатчисиниң ейтишичә, партлатқуч бомбини бәдинигә таңған бир киши, дүшәнбә күни әтигәндә, ички ишлар министирлиқиниң дәрвазиға йеқин җайда өзини партлатқан. Партлаш йүз бәргән вақит кишиләрниң ишқа чүшидиған вақти болғанлиқи үчүн, мәзкүр партлашта көп адәм яриланған.

Хәвәрләргә қариғанда, гәрчә кабулниң бихәтәрлики қаттиқ тәдбир астиға елинған болсиму, бирақ бу йил көп қетим партлаш вәқәлири йүз бәргән.

Нәқ мәйдандики бир сақчиниң билдүрүшичә, у партлашта өлгәнләр арисида 4 хизмәтдишиниң җәситини көргән. Партлашта йәнә , ички ишлар министирлиқида хизмәт қилидиған бир қанчә кишиму һаятидин айрилған.

Бу арида , талибан күчлири, бу қетим йүз бәргән партлашниң өзлири тәрипидин елип берилғанлиқини етирап қилди. Бир қанчә һәптидин бери талибанлар , афған даирилиригә қаратқан һуҗумини күчәйтмәктә.

Кабулда бир айдин бери 3 -- 4 қетим, өзини өлтүрвелиш характерлик партлитиш һуҗумлири йүз бәргән болуп, бир қанчә күн илгири америка әлчиханиси алдида партлаш йүз берип, икки америка әскирини өз ичигә алған 16 адәмниң өлүмини мәйданға кәлтүргән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.